تاج لوزه

التاج ده وصلنا من فتره طويله من لوزه من احد افراد مدونة السته بتوع صيدله وبصراحه مي احرجتنا كل شويه ردوا على التاج



ردوا على التاج هزعل لو ماردتوش :P فمارضيناش نكسفها خاصة انه لوزه ده ليها مكانه خاصه في قلبنا :D احنا فضلنا نسميه تاج لوزه عشان كل شويه ردوا على التاج ردوا على التاج :P



....نبدأ



اكتب عشر اشياء عن نفسك



shimaa



اصعب حاجه انه الواحد يتكلم عن نفسه بس انا هحاول الخص كده شخصيتي العظيمه في كام سطر :D



1-شخصيه مزاجيه اوي بتأثر بأقل حاجه حواليا ممكن ابسط حاجه تخليني طايره فوق السما وابسط حاجه اوي ممكن تنزلني الارض ويعني مش بحب التذبذب ده في شخصيتي بس فعلا ده طبيعه مش قادره اغيرها


2-بقيت بضايق اوي لما حد يعد يقولي طيبه اوي وده عيب فيكي خاصة انه مش عارفه اتخلص من حاجه زي ده ازاي نفسي ابقى ناصحه كده واعرف اخد حقي واعرف لما حد يكلمني نص كلمه ارد عليه :D


3-بحب اوي اصحابي بحبهم جدا بشكل فوق الوصف بحس انه ده الحاجه اللي مدياني امل ومدياني احساس انه اقدر اكمل الحياه بجد من غيرهم اعتقد انه حياتي عمر ماهيكون ليها طعم ابدا


4-طول عمري وانا صغيره كان نفسي اكون حاجه مميزه ماعرفش ايه بس اكون مميزه وخلاص :D حاسه انه الحلم ده ضاع منه جزء كبير اوي حاسه انه فكرة التميز ضاعت من دماغي بقى اهم حاجه عندي بعرف اعملها وخلاص انما انه اكون مميزه مش عارفه ليه تاهت مني ممكن عشان مش لاقيه نفسي في اللي بعمله مش عارفه بجد

5-شخصيتي في الكام سنه الاخيره اتغيرت اوي بشكل ملحوظ يمكن بالذات لما فترة قعدت لوحدي حسيت انه بدات انفتح شويه بالذات انه كنت شخصيه منغلقه الى حد كبير يمكن ده ليه علاقه بانه اتربينا منعزلين شويه بس حاسيت نه شخصيتي بدات تاخد منحنى اجتماعي كويس وعلى الرغم من انه التغييرات ده مش عاجبه ناس كتير ويمكن اولهم ماما وبابا لانه جات مع تغييرا تانيه في حاجات كتير وهما حتى علىى طول يقوليلي من ساعة قعدتك لوحدك اتغيرتي بس مش عارفه انا حاسه انه مرتاحه كده اكتر



6-انا واخواتي يمكن عشان سننا الى حد ما قريب من بعض بالذات احنا التلاته الاولانيين تلاقي مافيش حاجه تستخبى عن التانيه حتى لو مقررين مانقولش بس بحس مش بعرف غصب عني تلاقي المعلومات بتتقال كده على طول :D



7- المواقف الصعبه في حياتي على الاقل بالنسبه ليا على الرغم من انها كانت مؤلمه اوي اوي لدرجه يعني انه فعلا مامكنتش قادره اتحملها بس حاسه انها اديتني قوه كبير لانه قدرت انه انتصر على حاجات كنت بعتبر انها مستحيلات بس قدرت وده نعمه من عند ربنا



8- بحب اوي شعور واما مبسوطه بحس انه طايره فوووق وببقى عايزه كل اللي حواليا يتبسطوا

9- وانا ومروه بنرد على التاج دلوقتي بتقولي قولي انه دماغك ناشفه وطايشه مش عارفه ممكن دماغي ناشفه وده بيبان اوي وانا بشتري لبس ببقى بشعه وقت لما الاقي حاجه عجبتني خلاص هي ده يا بلاش وياما كانت بتبقى فيه معارك عشان الموضوع ده :D



10-وده برضه من عند مروه عشان انا مش لاقيه حاجه اقولها



MarmoRa Shehata: وقولي انك مممم غبية في كثير من الاوقات وتحملي نفسك ما لا تطيق شكرا :D واخيرا خلصت التاج ده



بجد كان صعب اوييي



ونيجي بقى على مروه



Marmora



بنتعذر عن مروه لانها بتقولي مش عارفه اكتب وانا بس عشان وعدت لوزه هنزله بيا وخلاص وهي ان شاء الله غصب عنها هنخليها ترد



ابعت التاج ده بقى ل



حماده .:: Creative Mind ::.



داليا In DepTH



احمد سعيد شاي بالنعناع



سامسيد وشوشر Friends 4 Ever



ليوروميو ساعة فضا