خير جنود الأرض

- عندما دخلت العقيدة الإسلامية في جيل الصحابة وتغلغل الاسلام في اعماقهم وفهموا أن الحياة الاخرة هي الابقى ودخلت المفاهيم الصحيحه بتطبيقها الصحيح في حياتهم
صنعت منهم رجلاً بمائه ورجلاً بألف ولنا في التاريخ الاسلامي والحروب مايشهد علي ذلك
ولكن حين  تضيع العقيده ويضيع الهدف  وتكون الحروب لاجل الدنيا تكون المعادله متساوية فالغلبة هنا للأقوى عتاداً بمقاييس الدنيا
- نعود الي الوراء قليلا يوليو ٢٠١٣ بعد اعلان قائدهم بانقلابه واحتشاد انصاره للرقص والغناء في الشوارع
ما اعتصر قلبي حزنا وألماً فيديو تم تداوله في هذا الوقت تحت عنوان خير جنود الارض وهم يرقصون ويتمايلون علي انغام "تسلم الأيادي"
ترجم الكثيرون الحزن تحت مسمى " اه انتم الاخوان الحاقدين ايه يعني اما عسكري غلبان يرقص ويهيص البلد اتحررت منكم "
ومهما كنت ستتحدث او تحاول ايصال الصورة كاملة الي عقولهم لن تجد سبيلاً لذلك
الفيديو كان يحمل قنبلة موقوته وهي ضياع الهوية الاسلاميه في جنود الجيش ضياع الدافع الايماني الذي يجعله يضحي بكل شيئ من اجل دينه ووطنه
لقد حولوه المسوخ الذين يتحكمون في البلاد الي شخص يرتدي الزي العسكري ويقدس الزي العسكري ربما اكثر من تقديسه ل قيمة الوطن
- نوفمبر ٢٠١٤
فيديو اخر  تم تداوله عن داعش في سيناء وهم يعتدون علي ضباط من الجيش هناك انا لم اشاهد الفيديو لم لعد اتحمل مزيداً من الدماء
لكن ماعرفته ان " قواتنا الباسلة " لم تقاوم لم تحاول حتي الصمود امام افراد عتادهم خناجر اسلحه بسيطه مقارنة بكونك جندي في اعظم جيوش العالم كما يدّعون
لسنا في مجال مقارنه وايهما صحيح وايهما خاطئ ولمن ستكون الغلبه
لكنها صوت لهؤلاء الذين يظنون اننا لا نمتلك سوى جيش قوي لابد من حمايته لحماية البلاد
نحن لا نمتلك جيشا ولا وطناً نحن لدينا افراد لايعلمون من القرآن سوى آية انهم خير جنود الأرض !

عودة

محتاجة وبشده اني ارجع اكتب تاني..

 كل الحاجات اللي حصلت مؤخراً في حياتي الأجواء اللي اتفرضت علينا اننا نعيشها 

الامل انه ممكن يكون بكره احلى تصحى منه علي انقلاب وعلى مجزره وراء مجزره وبعدها فض للميادين دم في كل مكان تبص فيه 

اعتقال محمد اوجاع الناس من حواليك خطف البنات قدام عينك خروج محمد اصحابنا اللي لسه معتقلين

 ظلم ظلم ظلم 

اصحابك اللي مش قادر تصفى ناحيتهم ولا تبص في وشوشهم لأنهم جزء من اللي انت فيه ومستمتعين ب كده كمان

والناس اللي خانتك وباعتك 

قرايبك وتسلم الايادي 

مطحنه نفسيه بمعنى الكلمه ولازم تتعايش وتربي بنتك تربيه نفسيه سليمه صحيحه 

انا ماعرفش اصلا البلد دي ينفع حد يتربى فيها بشكل سوي بس احنا بنجتهد في الاخر 

مؤخرا بحاول مافكرش مش عايزه افتكر الاوجاعانا هشغل نفسي طول اليوم عشان اعرف اتعايش مع مستنقع الظلم ده ونعرف نكمل 

حطيت لنفسي اهداف كتير نفسي احققها هكتبها بعد كده عشان تفضل قدامي 

لنا عوده عشام محتاجين ده ..

ربنا المستعان .

جمعة غطوني وصوتوا

الناس من امبارح بتدعوا للنزول ليوم الجمعة اللي هو 12/10 

ناس تقولك دي جمعة كشف الحساب عشان نحاسب مرسي على ال 100 يوم اللي فاتوا 

وناس تقول دي جمعة تطهير القضاء 

وناس وناس وناس 

بس في الاخر الموضوع اتحول لهتافين 

يسقط حكم المرشد  , وبنحبك يامرسي 

بغض النظر بقى مين بدأ ومين انتهى انا ماحضرتش حاجه وكل طرف بيحكي على انه الطرف التاني اللي بدأ 

وبغض النظر عن انه الهتافين لايمثلوا اي هدف من الاهداف اللي ادّعت القوى السياسية انها نازله عشانه 

بس الموضوع اتحول في الاخر للمنظر المقزز اللي احنا شايفينه على التلفزيون ده وكله بيسب وبيلعن 

وفي ظل هذه الاثناء يجلس المواطن المصري العادي قدام التلفزيون وهو بيقلب التلفزيون ويهرش راسه كده ويقول هم ولاد الكلب دول        
في الميدان بيعملوا ايه وبعدها يجيب روتانا سنيما عشان يتفرج على فيلم السهره

 وفتحي سرور في بيته هانئا قرير العين بعد ما ربنا اظهر العدل  واظهر براءته الحمدلله !!  

 عشان كده افضل اسميها جمعة غطوني وصوتوا  

احذر لعنتي !

هذا المخلوق المُسمَّى بالبرص واقفلي على شباك المطبخ
المشكله زي مانتم شايفين البيه واقفلي من بره والمكان اللي واقف فيه مش بيتفتح فمش عارفه اتصرف معاه على الاطلاق
غير بقى انه غتيت مش مثلا ييجي يوم واحد ويمشي لا ابدا بقى بييجي كل يوم زي ماتقولوا كده دي بقت حتته اللي بيرتاح فيها :((

خطتي كانت في الهجوم على البرص للتخلص منه اعرف عدوك كويس عشان تعرف تهاجمه صح :D
فبدات اقرا بقى عن الابراص عرفت انه كائن ليلي عشان كده مش بيظهر عندي غير بالليل بس بيختفي في الشتاء وبيظهر في الصيف 

وبعدين بدات ادوّر ازاي ممكن اتخلص منه وطبعا نظرا انه من برّه انا محتاجه طريقه جهنميه تخلصني منه 

جبت الاول مبيد حشرات قلت يمكن يتخنق ويموت انا اللي كنت هموت فيها :(
وبعدين قريت موضوع لبان الدكر ده في انه ريحته بتخلي البرص يمشي
وفعلا جربت الموضوع ده وسخنت لبان الدكر على النار وخنقت الشارع كله عشان البيه يمشي طول ماريحة لبان الدكر موجوده فعلا بيمشي بس اول مابتختفي لاقيته بيرجع تاني وطبعا مش هينفع اني افضل مشغله ريحة لبان الدكر دي طول النهار :((

وبصراحه بدأت ايأس مش عارفه اعمل ايه وبعدين في مره قررت اني عايزه اصور المحروس باعتبار انه بقى جزء من العيله بقى خلاص....
 وكانت المفاجئه بقى
كنت بقرب من الشباك بالموبايل وفجأه لاقيته اختفى استغربت قلت يمكن حس بيا ولا حاجه :D
شويه ورجع تاني فجايه بصور من مسافه كده وبعدين بقرب بالموبايل لاقيته برضه اختفى تاني
وهييييييييييييه اكشتفتله نقطة ضعف بقى طلعت ذبذبات الموبايل بترعبه :D
فدلوقتي اول مايقرب اروح احط الموبايل على الشباك الاقيه مشي 

ودي بقى خطتي طويلة الامد انه كل ماييجي هحطله الموبايل ياكشي تجيله عاهه مستديمه ويسيب شباك مطبخي في حاله :D
ودي رساله موجهه لكل حشرات العالم احذروا لعنتي ومطبخي ده خط احمر
نياهاهاهاهاها :D:D

بوس هادف

محمد هنيدي في جاءنا البيان التالي سأل سونيا هو 

البوس اللي في الافلام ده بوس حقيقي ؟

ست سونيا قالت ايه بقى... انا ببوس بوس هادف في سياق الدراما !! 

الست سونيا لما قالت الكلمه العظيمه دي ما ادركتش انه البوس الهادف هتكون السياسه القادمه لبعد كده  وهيكون كل تبريراتنا لكل افعالنا انه في سياق الدراما !!

 فالاعلام يخرج علينا ب كذب وتلفيق ويقولك دي 

اخبار في سياق التوعيه والمصلحة العامه

والشيخ يشتم الشتيمه وييقولك ده شتيمه في سياق الموضوع

 والحرامي اللي بيسرق ويقولك ده في سياق تحقيق العدل

والمتحرش اللي بيتحرش بالبنت في سياق انه البنت هي اللي بتقوله اتحرش بيا

  

 حتى الاطفال ماسلموش من النظريه دي تلاقي الولد مايجيش لحد ركبتك وبيكذب وتساله بتكذب ليه ياحبيبي يقولك عشان اخد اللي انا عايزه يعني في الاخر في سياق تحقيق مصالح شخصيه

كله بيبرر افعاله الخطأ بانه فيه سياق هادف يقصد به خيراً..

! وشوف سبحان الله طلعنا  كلنا في الاخر سونيا

ف عزيزي المواطن اعمل اللي انت عايزه وماتقلقش لانه كله هيكون بوس هادف في سياق الدراما !! 

   

عايشين

عمر مافيه حاجه هنوصلها ابدا هتخلينا مبسوطين او

سعداء لانه انت لو ماكنتش سعيد دلوقتي عمرك

! ماهتكون بعدين 

  المشكله انه احنا دايما بنبني قدرتنا على

 السعاده على عاملين : الناس اللي معاك ,

 والماديات اللي متوفره ليك وناسيين اهم عامل

 اللي هو انت !

 فتيجي في وقت ما الناس اللي حواليك انت بتحبهم

 والماديات اللي نفسك فيها كلها موجوده قدامك بس 

انت مش عارف تفرح مش قادر

  

تحس  بطعم الحاجات اللي موجوده معاك ونفضل في

 دوامة لوم الحاجات اللي ناقصانا لحد ماتتوفر

 لينا... بس تظهر حاجات تانيه, ونفضل في الحلقات

 المفرغه دي لحد ما ننسى اصلا انه فيه حاجه

 موجوده في الدنيا اسمها سعاده !

  ويكون ردنا على اي حد بيسالنا اخبارك ايه الرد

 الدراماتيكي التقليدي البحت :

  

عايشين !!  

لنا الله !

اتذكر ماقبل الخامس والعشرين من يناير 2011 كنت في نقاش مع زميله تونسية وكانت تسألني ان كنت ساشارك في مظاهرات 25 اتذكر اني قلت لها بالطبع ساشارك وان كنت لا اتوقع نفس النتيجه كما حدث عندكم فنحن مختلفون من حيث السلبيه وعدم مبالاة الشارع بالظلم الواقع عليه والجُبن الذي أصبح جزءا من طباع الشعب   ....

 !لكنها كانت تقول لي كذلك كانت تونس .... فكنت انظر الى كلامها وابتسم واقول في نفسي سرا هي لاتعرف شيئا عن مصر 

فمشاركتي كانت من باب يارب اني احاول جاهدة محاربة الظلم باي وسلية اُتيحت اليّ وان كانت ممثلة في مظاهرة وقفه جمع توقيعات اي شيء ولو بدا بسيطا !

وحدث ماحدث واراد الله ان يثبت لي انه قادر على كل شي وانه اذا شاء سبحانه وتعالى تكسّر الخوف داخل القلوب وخرجت الملايين             للهتاف  : الشعب يريد اسقاط النظام 

وها نحن ذا عامٌ مرّ على ثورتنا ونحن في نكسات متستمره من سقوط مستمر للشهداء على ايدي طامعين السلطه المجلس العسكري وبين مشاهدة في صمت لأحزاب كنت أظن بأنها ستكون في القيادة لاستكمال الثوره 

وبين مجلس شعب متناقض وعاجز عن أخذ قرار واحد ومجلس شورى كصورة اخرى من مجلس الشعب
وفي ظل هذا اجدني عاجزة مرة اخرى فاين سبيل الخروج الى طريق دولة الحق انا لا أدري ورجعت مرة اخرى الى نقطة البداية المشاركة و محاربة الفساد بأي وسيلة كانت متاحةً أمامي !
ف الى ان يتوفاني الله ويأتي اشخاص اخرين قادرين على اقامة دولة العدل   فليس لنا الا الّاك يالله فاكتب الخير لهذه وامتنا ونحن على طريق الحق .