قامت الدنيا وماقعدتش عشان فيديو تم نشره ل ا.صبحي صالح بيقول فيه للاخوات انهم يتزوجوا اخوه بقوله اتستبدلون الذي هو ادنى بالذي هو خير
قبل ما اقول رايي في الموضوع ده تحديدا خليني اقول اولا مالم يعجبني في الكلام هو انه لازم الاخ يتزوج اخت عشان الاولاد هيكونوا اخوان بالوراثه وده شيء انا مش موافقه عليه يقول الله عز وجل (انك لن تهدي من احببت ولكن الله يهدي من يشاء )
ولو جينا حتى للواقع هاتلاقي انه كتير من أولاد الاخوان رفضوا انهم يكملوا في طريق اباءهم ...ف ده طريق مش بالضروره انه يتلاءم مع كل الأفراد حتى لو كانوا من أولاد الاخوان نفسهم .
طيب نيجي بقى للجزئيه التانيه انه الاخت لا تتزوج الا أخ ...
اتستبدلون الذي هو ادنى بالذي هو خير
طيب هي الادنى والخير هنا هيكون منطبق على ايه الناحية الدينية الاجتماعية الخلقية ماهي كلمه واسعه وكل واحد اولوياته بتختلف من حيث ترتيب الادنى والخير ..
انا زمان كنت رافضه الموضوع ده قلبا وقالبا وكنت بعتبر ده مجرد تمييز من الاخوان وياما اختلفت مع بابا كتير جدا لدرجة اعلاني انه انا مش هتجوز واحد من الاخوان ...
ولكن شاء القدر ان يكون شريك حياتي وعمري واحداً من جماعة الاخوان ليثبت امامي بالتجربه أن رفضي لفكرة زواج الاخوه بالاخوات هو مجرد تعنت مني ليس اكثر...و بعد مروري بالتجربة انا اعلنتها لكل اولاد الاخوه ياجماعه احنا ماينفعش نتجوز واحد غير من الاخوان :D
ولما جاء صبحي صالح معلنا الامر ده بشكل صريح انا ماضايقتش لاني عارفه انه واقع بغض النظر عن اختلافنا عن الاسباب ولكن يظل الامر واقع لابد من الاعتراف به .
ونخلي بالنا انه مش عشان الافضلية الدينية او حتى الخلقية لانه فيه ناس كتير جدا من برة الجماعة افضل دينيا او حتى خلقيا ...ولكن يظل الاخ يدرك تمام الادراك طبيعة التربية اللي اتربى عليها اولاد الاخوه ... المسَلمات اللي احنا عارفينها وانا لاتحدث على الناحية الدينية فقط ولازم نفرق ...ولكن ايضا الناحية الاجتماعية للامر ...
وانا لا أقصد بكلامي انه المجتمع الاخواني مجتمع مميز مثلا او فوق المجتمع ولكن يظل فيه حيثيات مختلفة عن المجتمع
يعني كون المرأه مثلا في الاخوان بتخرج وتشارك في الحياة السياسة وبتشارك في الاعمال الدعوية في رجال كتير جدا انا اعرفهم بيكونوا متدينين جدا ويرفض انه زوجته تشارك وده حقه انا مابقولش حاجه ولكن لو جيت للاخ عمره ماهيرفض حاجه زي دي وفيه برضه ناس كتير جدا من داخل المجتمع الاخواني تزوجت رجل ليس من الجماعة وكانت لمجرد نزولها لتشارك في أي حاجه بخناقات رهيبه وده مش نموذج او اتنين لا كتير وبرضه في الرجال لما يتزوج واحده بره الاخوات نفس الفكرة .
يعني انا ادركت القيمة دي اوي ايام الثوره وكنت عماله بقول انه انا فعلا لو كنت مثلا تزوجت واحد غير موافق على الثورة او شايف انها فتنه (مع مراعاة انه فيه ناس متدينين كتير كانوا شايفين انها فتنه يعني ويجب الابتعاد عنها ) او مثلا انها شيء كويس بس انا مش هأذي نفسي واشارك فيها بجد ماكنتش عارفه ممكن اعمل معاه ايه او حتى هتصرف ازاي في حين انه جماعة الاخوان كلها قلبا وقالبا سواء نزلوا 25 او 28 او حتى ماشاركوش بس كانوا معاها ومؤيدينها جدا وده طبعا مجرد مثال واللي عايزه اوصل بيه نقطة الفكر الاخواني يعني J
اللي عايزه في الاخر اوصله هي مش قاعدة انه يكون الاخ كويس (كم فينا وليس منا وكم منا وليس فينا ) ومش قاعده اننا نربط زواج الاخوات باخ لانه طبعا ده هيكون تعنت ومش قاعده انه يكون زواج الاخ من الاخت ناجح يعني
ولكن في النهاية يظل هناك افضلية J
